PREND DOĒI

1846-1917

Pikėvėshtrim nga duhet parė vepra e “munguar”.

Shpesh ka ndodhur qė figurat e mėdha tė kulturės, tė cilėt jetėn e tyre e kanė gėrshetuar me politikėn, tė mos vlerėsohen nė kohė. Stinėt politike qė kanė ardhur mė pas nuk kanė lejuar klimėn e duhur pėr ndriēimin e veprės sė tyre. Ėshtė dashur kohė qė tė dalin nga terri i harrimit. Si kompensim i dhunimit tė gjatė ka ndodhur qė ndonjėri tė ngjitet nė “zenit” nga dishepujt, pas nėnēmimit ka ardhur si pėr ēudi mbiēmimi. Kjo luhatje e skajshme ka qenė shėrbimi mė i keq pėr disa korifenj tė kulturės. Nė lidhje me Prend Doēin ka ndodhur vetėm proēesi i nėnēmimit. Me sa duket nuk ka pėr tė ndodhur dhe e kundėrta. Madje vendosja e tij nė vendin qė i takon ka pėr tė qenė punė e vėshtirė. Megjithė njėfarė evokimi e shpalimi tė figurės sė tij kėto vitet e fundit, pėr shumicėn e shqiptarėve ai vazhdon tė mbetet gati ashtu si nė kohėn e tij shumė i pėrmendun e pak i njohur, sic e ka pėrcaktuar Shahin Kolonja. Mbase prej domethėnies sė kėsaj sentence duhet nisur hulumtimi e analiza.

2. Shumė i pėrmendur, por pak i njohur

Pse kėshtu? Pėr shkak tė veprės sė “munguar”? Si ka ndodhur? Nuk u shkrua? Humbi mė vonė? Apo ēėshtja qėndron krejt ndryshe?

Pėr Doēin dhe veprėn e tij qė kur qe gjallė e mė pas janė shprehur njerėzit mė tė mėdhenj tė kohės e tė mėvonshėm, shkrimtar si Gjergj Fishta, Faik Konica, Asdreni, Filip Shiroka, Ali Asllani, Ndoc Nikaj, Milto Sotir Gurra, arbėreshė tė shquar si Dhimitėr Kamarda, Zef Skiroi e Gaetano Petrota pa harruar dhe korrespondencėn e tij me De Radėn; gjuhėtarė si Justin Rrota, Aleksandėr Xhuvani, Mahir Domi; politikanė si Ismail Qemali e Luigj Gurakuqi; publicistė si Shahin Kolonja, Sotir Peci e Milo Duēi; dijetarė tė njohur bashkėkohės e pasardhės si At Pashk Bardhi, At Pal Dodaj, Dom Nikoll Sahatēia, Pal Dukagjini; studiues tė letėrsisė si Dhimitėr Fullani, Regjep Qosja, Jorgo Bulo, Muhamet Pirraku, Ėngjėll Sedaj, Isak Ahmeti; prijės e krerė tė Mirditės si Prengė Bibė Doda, Prengė Marka Prenga; personalitete tė Europės si Edit Durham, Franc Nopēa e deri Peter Bartl nė ditėt tona; duke vecuar sidomos kontributin e e biografit tė tij Pal Doēi nė monografinė “Prend Doēi- Abati i Mirditės (jeta dhe vepra)” shkruar vite mė parė e publikuar mė 1997. Megjithatė Prend Doēi ėshtė nė “zbulim” e sipėr si shumica e shkrimtarėve katolikė tė Veriut, deri mė tash si njė “brez i humbur”. Kemi tė bėjmė me njė personalitet tė lartė qė ėshtė folur si pėr rrallėkėnd nė kohėn e vet dhe nė ato tė mėvonshme, nga vendas e tė huaj, nga arbėreshė e kosovarė, nga muslimanė e katolikė, nga vendlindja e diaspora, nga qarqet intelektuale brenda dhe ato tė europės. Vlerėsimet dhe opinionet pėr Abatin janė tė shumta dhe nga mė tė larmishmet: nga mirditasit e thjeshtė, nga bashkėpunėtorėt –famullitarėt e Mirditės e tė tjerė, hierarkėt e lartė tė kishės nė Shqipėri, Stamboll, Romė, Austri, konsujt e huaj nė Shkodėr dhe diplomatė tė kancelarive perėndimore (nė takime tė drejpėrdrejta dhe nė korrespondencėn e tyre diplomatike); shto kėtu dhe kronikat e shtypit tė kohės, ditarėt (si ai i At Pal Dodės), memorialėt, epistolarėt e autorėve tė shumtė, relacionet kishtare drejtuar Vatikanit. Dhjetra e dhjetra dėshmi qė pėrbėjnė njė “vepėr” mė vete pėr njeriun me vepėr tė “munguar”. Pėr njeriun shumė tė pėrmendun, por pak tė njohur. Nuk ėshtė pėr t'u ēuditur: Doēi qė u kujdes pėr gjithcka tė madhe nė shėrbim tė kombit tė tij, nuk u kujdes vetėm pėr njė gjė tė “vogėl”; emrin e tij e aq mė pak pėr kultin e tij. Dhe kėtė e bėn “njė njeri nė ēdo kuptim i jashtėzakonshėm”, siē do t'a cilėsonte Nopēa.

3. Poet tribun nė nismat e Rilindjes

Doēi publikon pak poezi; Dheu em nė pėrmbledhjen “A Dora d'Istria-gli albanesi” , Livorno mė 1870; Nji kushtrim Shqiptarėve e po atij viti dhe Shqypnia nė robni botuar nė “Mjalt e Bletės”, Bukuresht mė 1897. rreth 200 vargje nė 42 strofa ku poeti i ri shfaqet si mjeshtėr i vargut, ēka nėnkupton se autori e kish ushtruar dorėn dhe se kėto poezi nuk ishin tė vetmet. Pėrdor distikun, strofėn katėrshe me rimė tė pėrputhur dhe tė alternuar, teksa parapėlqen strofėn gjashtėshe dhe dhjetėrrokėshin. Vjershat e tij cilėsohen si manifeste tė para poetike tė asaj periudhe. Tė shkruara me mjeshtėri e frymėzim me stil energjik e gjuhė tė pastėr, ato shprehin nė mėnyrė tė ngjeshur disa nga idetė dhe idealet e lėvizjes sonė kombėtare. Ato paralajmėrojnė lindjen e njė poeti tė talentuar, nė radhė me Zarishin, Martinon, Bytyēin.

Nė librin antologjik kushtuar Elena Gjikės pėrfshihen autorėt mė tė spikatur tė kohės pėrfshirė dhe De Radėn. Lirika e Doēit cilėsohet ndėr mė tė bukurat e librit. Dhjetė strofa gjashtėshe tė shkruara nė dhjetėrrokėsh. Jo vetėm himnizim i figurės sė Elena Gjikės, por dhe bashkėbisedim intim i poetit me atdheun qė “njėher e njė kohė pati trima plot... si pyll”. Me figurėn e Dorės poeti simbolizon shpresėn e ringjalljes. Zana mitologjike nuk mundte tė mos jetė e pranishme nė kėtė poezi dhe pėr atė se heroina i shėmbellen poetit me njė zanė. Duket sikur nis qė kėtu “Lahuta e Malėsisė”. Mė 1925 Justin Rrota e riboton nė veprėn “Literatyrės Shqype” qė vjersha tė ishte nė duart e shkollarve tė rinj.

Njė kushtrim Shqiptarve siē e thot ė edhe titulli ėshtė njė nga kumbimet poetike mė tė forta atdhetare tė kohės. Tabloja e atdheut ėshtė tepėr rrėnqethėse, ndaj duhet tė shpejtonte dhe kėnga pėr ta rilindur. Shqiptarė trima, zgjedhėn lshoni / kputni prangat e luftoni ėshtė refreni origjinal. Poeti fut nė pėrdorim leksikun aktiv tė ligjėrimit atdhetar pėr tė zgjuar ndėrgjegjen kombėtare; si njė rapsod i moēėm e si njė luftėtar i ri u rrėfen shqiptarve historinė dhe dramėn e atdheut. Deviza “Ja dek ja lirė” ėshtė kulmi i protestės, i kushtrimit pėr liri.

Shqypnia nė robni (1872) dallohet pėr theksin marcial tė vargut, saktėsinė e mjeteve poetike dhe gjuhėn e bukur dhe tė pastėr. Ėshtė padyshim njė poezi antologjike qė tė kujton “O moj Shqypni” tė Pashko Vasės dhe mund tė merret si njė program e njė kushtrim i kryengritjes sė Mirditės (1876-1877), tė cilėn Prend Doēi e kishte udhėhequr nė vend tė Preng Bibė Dodės sė ri. Pėr shumė vjet kjo poezi ishte njė spiritus movens i vėrtetė pėr shqiptarėt dhe pėr lėvizjen kombėtare shqiptare. Nė tė ai kishte ngritur lart kultin e Skėnderbeut, kultin e flamurit dhe kultin historik nė pėrgjithėsi duke theksuar njėherėsh dhe rolin e diplomacisė : “Dheu em Shqypni n'Evrop, ka fol parsia / Gjyq lyp, nuk gjak, e gjyq do “ket” Shqypnia”.

Po a ka dhe krijime tė tjera Doēi. “Pos kėtyre vjershave ka pas nė dorėshkrim dhe do tė tjera, tė cilat m'i ka pas lexue njė herė n'Orosh. Shpresoj se ky dorėshkrim do tė gjindet nė dorė tė ndokujt e ndonji prift i Mirditės ka me i qitė nė drite”-shkruante At Pashk Bardhi mė 1942 nė “Hylli i Dritės”

Po bėhen 60 vjet dhe ende dorėshkrimit nė fjalė nuk i ėshtė rėnė nė gjurmė. Pėrsa i pėrket vlerėsimit tė veprės sė Doēit si shkrimtar, nė vendin e vet ai ėshtė vėnė vetėm nė “Shkrimtarė Shqiptarė” (1941) nė radhė tė autorėve tė tjerė tė shquar tė Rilindjes.

•  “Emzot Doēi s'ka shkrue pak, por gjithherė pa emėn”.

Prend Do ē i shkroi me pseudonimet “Primo Doēi” , “Njė djalė prej Shqypnije” dhe mendohet se dhjetra artikuj janė tė tijtė. Ai kishte bashkėpunuar qė herėt me revistėn e De Radės “Flamuri i Arbėrit” , bashkėpunėtorė tė sė cilės ishin shqiptarė dhe arbėreshė si Z. Jubani, Th. Mitko, S. Dine, N. Naēo, P. Doēi, G. Dara (I Riu), A. Santori etj. Edhe kur ishte nė Indinė Lindore me mision apostolik pėrsėri bashkėpunon me revistėn e De Radės, ku nė tetor tė vitit 1883 boton artikullin “Topografia e Lezhės nė Shqipėri”.

Shkrimet publicistike dhe relacionet kishtare qė dėrgon Vatikanit dėshmojnė njė stil modern, ndonėse ka munguar deri tani njė hulumtim i mirėfilltė i gjithė lėndės sė shkruar prej tij, ēka do tė krijonte mundėsinė pėr njė gjykim mė tė plotė. Jo mė kot disa herė ėshtė vėnė nė dukje se “Emzot Doēi s'ka shkrue pak, por gjitherė pa emėn”. Doēi pėrmendet si njė gojėtar i spikatur. Njė kronikė pėrkujtimore e Hyllit tė Dritės (prill 1914) duke evokuar ditėn e flamurit nė Shkodėr mė 1912 nė kėshtjellėn e Rozafės evidenton ligjėratėn e Abatit tė Mirditės me atė rast i cili “foli bukur”. Njė panegjirik nė kishėn katedrale Doēi e pat mbyllur me epifemėn “Zoja e Shkodrės” e “Shkodra e Zojės”. Si argument pėr zotėsinė nė improvizimin e fjalimeve nga ana e tij sillet dhe ceremonia e pėrmotshme e Imzot Guerinit, fjalimet e tij nė popull e meshat nė kishė. Publicisti dhe oratori gjenden tė gėrshetuar gjatė Rilindjes jo vetėm nė personalitetin e Doēit…

Ku tjetėr duhet ta kėrkojmė veprėn e “munguar” tė Prend Doēit? Duket se ky ka qenė njė preokupacion i gjithė studiuesve dhe dashamirėve tė tij. “Edhe me kenė pak veprat e shkrueme prej Abat Doēit, nuk janė pak 32 vepra…tė botueme nė nandė vjet tė Shoqnis “Bashkimi” themelue prej tij, as veprat e botueme me ndihmėn financiare qė dha pėr shtyp (Ligjėrim nė vdekjen e Abat Doēit, “Posta e Shqypnis”,nr 24, shkurt 1917-Gjergj Fishta) ”.

Ka ndodhur diēka disi e rrallė nė fushėn e letrave. Zė e shuhet autorėsia e njeriut qė i kishte parametrat e plotė tė shkrimtarit, emri tingėllues i fillimeve aq tė mbara poetike. Si ndodhi qė ai nuk u “bė” dot shkrimtar pėr vete, kur bėhet “udhėrrėfyesi” i Fishtės pėr kryeveprėn e vet epike “Lahuta e Malsisė”?!

Prend Doēi, njė intelektual i madh i kohės, ia kishte mbushur mendjen Fishtės qė tė vazhdonte “Lahutėn” e tė kėndonte si njė rapsod homerian i maleve tė Shqipėrisė. Ėshtė po ky qė pėrkrah Ndre Mjedėn nė hapat e parė duke zbuluar tek ai poetin, intelektualin e aftė me dhunti e pėrkushti pėr shkencėn, gjuhėn, kulturėn. Akoma mė tepėr, “humbėsi i madh”, i vetvetes nxiton ta presė shekullin e ri me njė institucion letrar e gjuhėsor brilant nė qendrėn mė tė rėndėsishme kulturore tė vendit qė nga antikiteti, nė Shkodėr, mes ajkės sė dijetarėve dhe atdhetarėve rilindas. Pikerisht nė kėtė kohė ndodh “konvertimi” i shkrimtarit me njeriun e shkencės. Veprėn e tij tash e mbrapa duhet ta kėrkojmė pikėrisht te shoqėria prestigjioze “Bashkimi”, ashtu si njė pjesė e tė krijimtarisė sė Konicės nė vetė revistėn “ Albania ” si drejtues i saj nė radhė tė parė. Dihet se Doēi ka qenė njė ithtar i rralė i gjuhės shqipe. Si i tillė detyrimin ndaj saj ai nuk e shihte thjesht nė pastėrtinė e gjuhės sė vjershave tė tij. Vėzhgimet vetjake pėr tė folurėn e krahinave tė vecanta, trajtimet modeste tė gjuhės gjuhėsire nė shkrimet publicistike etj.

Ai ishte i ndėrgjegjshėm se gjuhės amtare i lipseshin fjalorė, gramatika, tekste shkollore e mbi tė gjitha njė alfabet modern. Tė gjitha kėto pėr tė ishin shumė mė tepėr se “laboratori i tij krijues”. Doēi, mė i vjetri i shkrimtarėve dhe dijetarėve tė kohės, me njė pėrvojė si rrallėkush nė pėrpjekjet pėr rilindjen e kombit; pėr tė kryer misionin historik nė rrafshin e kulturės dhe identitetit kombėtar, mė 1899 nė shoqėrinė “Bashkimi”, ofron elitėn intelektuale tė Gegnisė: At Gjergj Fishtėn, Dom Ndoc Nikajn, Dom Dodė Kolecin, At Pashk Bardhin, Imzot Lazėr Mjedėn, Luigj Gurakuqin e plot tė tjerė. Nuk ėshte e rastit qė shumė famulli tė Mirditės nė kėtė kohė kthehen nė qendra tė veprimit kulturor e shkencor, me priftėrinj dijetarė qė krahas funksionit zyrtar hulumtojnė vlera etnokulturore tė trevės si tradita, doke, folklore, gjuhėsi etj. Njė “akademi” perfekte qė nuk i rrafshonte individualitetet e punėtorėve tė dijes dhe pse shpesh autorėsia ishte kolektive. Kėtu vec po cekim kontributin e papėrsėritshėm tė Doēit nė drejtimin e saj si ideues i programeve tė saj dhe bashkėautor i veprave tė publikuara nė afro njė dhjetėvjecar.

•  “Mėmėdhetar vetflijues”

Sigurisht problemi i veprės sė “munguar” tė Doēit ėshtė shumė mė kompleks se kaq. Ai mund tė rroket e tė shkoqitet vetėm kur tė mbahen parasysh jo vetėm rrethanat historike nė tė cilat u shkri jeta e tij, por edhe komponentėt pėrbėrės tė personalitetit tė Abatit.

Para sė gjithash Doēi ishte ideolog i Rilindjes, me sens diplomati, qė i duhej pėr tė vendosur ekuilibret e duhura nė rrjedhėn e ngjarjeve historike tė komplikuara me fuqitė e huaja. Nė “programin' e tij zinte vend: aspekti kishtar, politik, kulturor. Kėto tre drejtime themelore kushtėzojnė kryekėput jetėn e tij aktive deri nė fund. Falė karakterit tė rrallė, ai asnjėherė nuk gjendet nė periferi tė ngjarjeve, por nė kulmet e tyre. Vetėflijohet pėr vepra tė guximshme qė do t'i kishte zili gjithkush. Do tė donte tė ish njė prelat i urtė e bari shpirtrash, por rrethanat historike e bėjnė tė vihet nė krye tė kryengritjes sė Mirditės tė viteve 1876-1877, ēka do t'i kushtonte 11 vjet internim nė tre kontinente. I ndalohet atdheu, dashuria e tij mė e madhe. Hyn kėshtu si padashur nė qerthullin e trazuar tė politikės pėr tė mos u ndarė mė prej saj. Do tė kishte dėshirė qė kisha e Mirditės tė ishte e konsoliduar, por nė vitin 1888 kur ai vjen nė krye tė saj ajo ishte krejt e copėtuar dhe e ndarė nė tre ipeshkvi. I lipset njė punė prej titani pėr t'a rimėkėmbur Abacinė duke e ēuar nga dy nė gjashtė famulli e mbi tė gjitha pėr ta “dlirė dioqezėn e tij prej vesit”. Kryen nė pak vite njė histori tė pashembullt nė historinė e Krishtėrimit aq tė goditur gjatė pushtimit turk. Natyrshėm si cdo ideolog, atdhetar e dijetar do t'i gėzohej njė Shqipėrie me insitute kulture e shkence nė prag tė pavarėsisė, me shkolla shqipe gjithandej, me njė alfabet tė njėsuar pėr tė gjithė shqiptarėt e shumė gjėra tė tjera kėsodore, por kėto thuajse mungonin.

Duke qenė i matur e racional, ai nuk e krijon “Bashkimin” pėr ego dhe jo se i mungonin angazhimet nė fusha tė tjera, por se ishte i bindur se shteti i nesėrm pa kėto, aq mė tepėr njė shtet nga e para, nuk do tė mund tė realizonte aspiratat e shqiptarėve. Me institucionin e tij Doēi jo vetėm kėrkon tė kanalizojė nė njė rrjedhė energjitė krijuese tė intelektualėve tė kohės, por edhe t'u japė mėsimin e madh bashkėkombėsve se bashkimi ishte ēelėsi i suksesit tė sė ardhmes nė politikė, qeverisje, arsim, kulturė etj.

Ky nė fakt ka qenė mesazhi historik i gjithė elitės sė dalė nga shkolla e Krishtėrimit.

Zef Skiroi poemėn e njohur idilike “Mili e Haidhia” , “pėr meritime letrare” ia kushton pikėrisht shkrimtarit me vepėr tė “munguar”

Pėr Abatin e Mirditės me kontribut tė jashtėzakonshėm nė historinė, letėrsinė, kulturėn shqiptare, ashtu siē pėr shumė figura tė shquara prelatėsh katolikė, pėrgjatė gjithė sistemit

komunist nuk u tha asnjė fjalė duke e bėrė mė tragjik fatin e kėtij kolosi tė letrave shqipe.